Ef þú tekur eftir því að þú hefur nýlega fengið lítinn blóðblett í fötin þín (þetta virkar náttúrulega ekki ef um mikið magn af blóði er um að ræða) þá virkar mjög vel að setja hreina þurra tusku undir blettinn og nota svo aðra tusku, bleytta með köldu vatni, til að nudda blettinn.
Þetta er ráð sem að amma mín gaf mér og það hefur alltaf virkað hjá mér þegar ég hef prufað það.
Ég kaupi alltaf magnpakkningar af hakki, lúxus sem er í boði þegar maður býr í útlöndum. Til þess að hakkið fari ekki til spillis þá skipti ég því niður í litla plastpoka (4 ltr) þannig að það sé 300-350 gr í hverjum poka, svo nota ég kökukeflið mitt til að fletja út hakkið (í pokanum). Svo stafla ég útflöttum hakkpokunum í frystinn hjá mér, þannig á ég alltaf til hæfilegt magn af hakki fyrir fjölskylduna . Það tekur líka enga stund að þýða hakkið, því að pokinn er flattur þunnt út. Þetta henntar mér vel því að oft á tíðum nenni ég ekki að undirbúa matinn fyrr en á seinustu stundu.
Ef það kemur lýsi í föt þá getur verið einstaklega erfitt að ná blettinum í burtu. Það sem hefur reynst mér best er að taka góðan uppþvottalög og nudda honum vel í blettinn og setja flíkina svo í þvott. Bletturinn fer ekki alltaf í fyrsta þvott en yfirleitt er hægt að ná lýsisblettum með þessari aðferð og smá þolinmæði. Þetta á reyndar við um aðra fitubletti líka.
Til að þrífa skýjaða blómavasa er gott að setja fullt af salti (gróft salt er betra en fínt) og fylla þá svo af vatni, þá verða þeir aftur hreinir og fínir.
Blanda vatninu saman við matarsódann þangað til að úr verður drulla, taka tusku og strjúka drullunni útum allan ofn, á glerið og útum allt. Láta drulluna bíða í 10 mín og þá er hægt að byrja að nudda drulluna í burtu. Það besta er að því oftar sem þú notar matarsódann þeim mun auðveldara verður að þrífa ofninn næst, svo er þetta mun betra fyrir náttúruna heldur en búðarkeyptir ofnahreinsar.
Með því að setja mýkingarefni í vatnið þegar maður þrífur gler (td. glugga) þá fær maður góða lykt í húsið og glerið verður mjög gljáandi.
Til þess að þrífa gler er gott að nota vatn blandað með ediki.
Til að losna við svitalykt sem er föst í fötum þá er sniðugt að taka fötin og leggja þau í edikbleyti, ég læt fötin yfirleitt lyggja í ediki yfir nótt og þvæ þau svo tvisvar sinnum í þvottavélinni. Það er ekki nauðsynlegt að þvo þau tvisvar sinnum, en mér líkar ekki ediklyktin og því þvæ ég fötin oftar.
Maður blandar saman hunanginu og haframjölinu, það er gott að velgja hunangið aðeins til að það sé auðveldara að blanda þessu saman. Svo smyr maður blöndunni framan í sig og lætur bíða í 15-30 mínútur. Þá er þetta skolað af með volgu/heitu vatni, þegar maskinn er farinn af þá er gott að skola andlitið uppúr köldu vatni til að loka svitaholum aftur.
Maskinn henntar öllum húðtýpum, hann hreinsar húðina einsog skrúbbmaski. Þennan maska er gott að nota ca 1 sinni í viku.
Húsráð 